" Que o urxente non nos impida ocuparnos do importante"

💜💛💚FALEMOS DE EMOCIÓNS💜💛💚

  "É normal sentirme así?" É unha das preguntas que máis escoito ao noso alumnado, amigos e familias dende que comenzou o estado de alarma. 

Diversas reaccións , actitudes e estados de ánimo ante unha situación similiar.  Iso me inspirou a crear unha entrada adicada a falar das emocións, xa que considero que  ter información sobre a nosa realidade nos confire sempre unha maior  liberdade  na toma de decisións. Podería aplicarse a case calquer situación, pero hoxe o tema que nos confire son as emocións e merecen todo o seu protagonismo.
Saber cómo funcionan nos permitirá coñecernos mellor ,  adquirir as ferramentas necesarias para poder xestionalas de forma responsable e poder así actuar de modelo  positivo para o/as noso/as fillo/as e alumno/as.
Afortunadamente, na actualidade, o concepto de saúde deixou de referirse exclusivamente ao ámbito físico,para dar lugar a un concepto máis amplo: Saúde Integral. Tal e como expresa a Organización Mundial da Saúde (OMS): " A saúde Integral é o estado de benestar físico, emocional e social dun individuo". Non  sería  posible polo tanto,entender o concepto de saúde, sen considerar un dos seus pilares fundamentais: A Saúde Emocional.

     - Qué papel teñen polo tanto as emocións na nosa saúde?

As emocións cumpren unha función adaptativa, e polo tanto, axudannos a lidiar coas diferentes situacións do noso  a día, así como a facer fronte a novos desafíos, co fin de conseguir restablecer o noso benestar e equilibrio emocional. 

Non hai dúbida de que  na actualidade o noso benestar emocional se está vendo afectado, xa  que estamos vivindo unha situación nova para todo/as  e iso pode xenerarnos momentos de angustia, incertidume ou  medo . O importante é ser consciente de que temos a capacidade de regular e xestionar as nosas emocións, se nos tomamos un tempo para coidalas ,  mimalas e desenvolver estratexias de Intelixencia Emocional.

      - Qué é a Intelixencia Emocional?

Daniel Goleman (1997) define a Intelixencia Emocional como "a capacidade de recoñecer os nosos propios sentimentos e os alleos, de motivarnos e de manexar ben as emocións, en nós mesmos e nas nosas relacións". 

Cando se fala de Intelixencia Emocional (IE), descríbense cinco grupos de habilidades ou aptitudes esenciais que a compoñen:

•  💭🙋  AUTOCONCIENCIA: É a capacidade de recoñecer e comprender as propias emocións.  Implica tamén o recoñecemento das nosas fortalezas e limitacións,  capacidade de estar abertos a nova  información , experiencias, a aprender da interacción cos demáis aceptando outros puntos de vista.

• 💪CONTROL EMOCIONAL: Consiste na capacidade de regular e xestionar as emocións. Permítemos  saber cómo expresalas de maneira axeitada, ser flexibles e adaptarse ben aos cambios.Qué importante agora mesmo esa capacidade de adaptación, verdade?

•   💕MOTIVACIÓN: Está relacionada coa  capacidade de motivarse e motivar aos demais. As persoas competentes neste área, sinten pasión por cumprir os seus soños e obxectivos  independetemente de premios ou recoñecemento social. 

•  👭EMPATÍA: É  a habilidade de comprender o que outras persoas sinten así como de dar resposta ás súas necesidades. 

•  👀💋👂HABILIDADES SOCIAIS: Capacidade de  interactuar de forma axeitada cos demáis. Algunhas destas habilidades son: escoita activa, habilidades de comunicación verbal e non verbal.   

       Interesante verdade? Sempre é un bo día para poñer en orde as nosas ideas, xa que así , "ordenadiñas"  resultan máis útiles e funcionan mellor ....

Gustariavos poñer en práctica estas competencias e a dos nosos nenos e nenas?  

Ao longo de diferentes entradas no blog iremos aportando recursos que vos axuden a traballar cada unha destas habilidades .

" Que o urxente, non vos impida ocuparvos do importante". 

COIDADEVOS MOITO.QUERÉDEVOS MOITO.

 QUE TEÑEDES UN BONITO DÍA! 💜

      

​