Qué tal se esta fin de semana nos adentramos nos bosques tropicais do planeta?

Bo día a todos e a todas!😃Comparto con vós un enlace que atopei de casualidade polas redes e que me ten fascinada, xa que se poden escoitar os sons reais dos bosques tropicais!!
A verdade é que nun momento no que botamos tanto de menos a natureza, poder adentrarnos nun bosque cheo de novos sons de animais exóticos e fervenzas me parece canto menos sorprendente.
Ocórrenseme moitas utilidades:
- Pois simplemente para poder sumerxirnos nós os adultos, nun baño forestal virtual, e así disfrutar dun anaquiño de paz, cos cinco sentidos ben atentos, porque nolo  merecemos.  A falla de aire puro, seguro que empeza a pasar factura no noso estado anímico, de seguro nos sentimos máis irascibles, con menos paciencia e  enerxía. Non olvidedes que o autocoidado non só é unha necesidade senón tamén  unha responsabilidade. Os cativos non precisan papás perfectos, que fagan mil cousas con eles, pero sí adultos que lles transmitan calma e seguridade.
- Aproveitalo en familia como motivación para investigar lugares lonxanos, planificar  viaxe, afondar na sua flora e fauna...falar da importancia do coidado da natureza, xa que moitos destes sons, se non coidamos o planeta, tristemente desapareceran....Alguén se anima a investigar porque estos ecosistemas son os máis fráxiles do planeta e cunha taxa de extinción maior?Que é un ecosistema? Qué diferenzas e similitudes atopamos entre o bosque tropical e os nosos bosques galegos?
- Podemos en familia colocarnos nunha postura cómoda, pechar os ollos, centrarnos  na respiración, e escoitar durante un tempo o audio en silencio. Posteriormente  tentaremos discriminar os sons escoitados, falar das emocións que nos produce a cada un, se nos resultan agradables ou non.
 Quizáis os máis artistas decidan recrear a paisaxe que  imaxinan cunha obra de arte... os escritores, inspirarse para unha historia, e os máis aventureiros, montar unha tenda de campaña na sala e percorrer  mil aventuras .
O máis importante , sempre,sempre é escoitar aos nenos e nenas moi atentamente, dende o respecto,  deixandonos guiar polas súas propostas, e  de seguro nos van a sorprender moito.
 Son curiosos por natureza🦎 🐒💚🦜🦒


Escoita os últimos bosques tropicais do planeta 😉